Taqbaylit - Tamedyazt

D iseggasen aya tura.
Mačči yella w i s-yeslan.
Mačči yella w i s-yeslan.
Afrux yugi ad iɣenni.

Yuẓam  aseffeṛ d leɣna.
G wasm i t-ḥuzan yigeḍman.
G wasm i t-ḥuzan yigeḍman.
Si sdaxel i d-yeṭṭilli.

Yiwwas ass-n am wass-a
Yusa-d yiwen d ameẓyan
Yusa-d yiwen d ameẓyan
Netta yella d imenfi.

Ha-t-a yebda-d isefra
Isefra-nni d ayen kan 
Isefra-nni d ayen ken
Ay ansi i ten -id-yewwi

Isni-ten-id wa deffir wa
Xas ad tiliḍ d aquran
Xas ad tiliḍ d aquran
Ad ten-truḍ ur ak-yehwi

Ur nettaki mi nesla
I useffeṛ mebɣir lawan
I useffeṛ mebɣir lawan
Yusa-d ur iban ansi

Deg wawal-is i d-yerna
D afrux--nni i d-yecnan
D afrux-nni i d-yecnan
Ula d netta yergagi

Yemmekti-d asmi yella
I-usawen-ina deg yigenwan
I-usawen-ina deg yigenwan
D aya kan i d-yettmenni

Xas ur tt-ldin isefra          
Am wass-a ad d yezzi lawan
Am wass-a ad d-yezzi lawan
Tawwurt n lḥebs ad tt-neldi. 

                      Muḥend  U Yeḥya 

• Rnu amaynut
• Nadi

Iznan (0)

Aru izen

Anwa kunwi/kunemti s tfasil:

Isem:

Tansa:

Asmel:

Izen:

Azwel:

Angal UBB:         -Ini-aquablackbluefuchsiagraygreenlimemaroonnavyolivepurpleredsilvertealwhiteyellow -Tiddi-tinysmallmediumlargehuge

Message:

Asegdel

Ttxilwen arut tangalt mgal‑SPAM i tzemrem ad tt‑ɣrem deg tugna.

Joomla components by Compojoom